Deche bitoope / El dorso del cangrejo

Natalia Toledo, Dr. Lakra

• Editorial: Almadía Ediciones
• Año: 2020
• ISBN:
  9786078667567
• Categoría: Literatur
• Categoría: Frauen in der Poesie

La voz lírica se mueve en un territorio conformado por los sueños, los mitos, las leyendas y la tradición cultural del pueblo zapoteco. Cada poema rescata lo entrañable que hay en su memoria, al tiempo que la confronta; así, reconoce que su identidad es una mixtura entre la tradición y la mirada nueva que la poeta derrama sobre todas las cosas.La angustia mística, la lamentación por el humano padecer, pero también la reflexión, la oración y la celebración del instante. La exploración de la infancia y la memoria colectiva, formas inseparables de conocimiento. El papel de las mujeres en las culturas indígenas, las costumbres del cortejo y los rituales de unión, la preparación de las niñas para la vida adulta.Natalia Toledo construye su escritura con arrojo. Sus poemas buscan comprender, establecer diálogos y, al final del día, refundar un destino.Elena Poniatowska: "En Juchitán, Oaxaca, los poetas venden fruta e iguanas en el mercado, giran en torno al quiosco del sexo en la eterna ronda del dámelo porque yo te quiero y se esconden tras el tronco de los árboles como Natalia Toledo."Rocío González: "Los poemas de Natalia surgen de intuiciones poderosas que se resuelven en cuadros breves, en imágenes nítidas y precisas y, al mismo tiempo, llenas de ventanas, en versos decantados por lo absoluto del instante."

Guie’sti’ ca badudxaapa’ huiini’ 1

Rului’ni xquipi’ benda,

suquii ne expele,

guie’ dxuladi.

Gulee ca doo za ladxido’lo’

ne bicaa ni lu dxiba sti’ gueela’

ne bidii quiba cani

bidaani’ sti’ guendaracala’dxi’ stiu.

Guie’sti’ ca badudxaapa’ huiini’ 2

Guiiru’ huiini’,

guiiru’ ro’,

¿paraa napa nu

guiiru’ jmá nanixe?

Beela ladi ricabi:

xa’na’ xquipi’ nu.

Guie’ sti’ ca ba’du’

Ni guicaa ca ba’du’ nanaxhi xquie
ne cani naxí xquie

Ti xquie nga ti nite ziyasa guibá’

ti guindaa guisu xti’ ca dxiñahuiini’,

ti íque bigu rusaba biidxi’ ndaani’ guidxilayú.

Ti xquie nga ti mudubina rale lugiá’ nisa,

ra nuu xcú neza yagañee ne ribee lú ti dxi.

Naca ni ti gui’chi’ rigapi ne rundaa bi ruaa guendaracala’dxi’.

Biuuza’

Bedandani xa’na’ guie’ yaase’.

Cayudu xquipi’ beeu.

Ruunalu’ sica ti bigu ora caxana:

nanna quiziuu dxi guibigueta’ gu’ya’ ca xiiñi’.

Rirendalu’ lade ca neza xtaalu’,

birí riguiru ladilu’.

Ante guzeechu’ bi dechelu’,

bichiaa ti guixhe beleguí

ne bindaa guirá doo nuchenda lii.

Dxiibi

Daaya daaya gudxi naa
xi neza gunaaze’ xheela’.

Naa nanna’ birá bi sti’ ca beleguí gunaxhieenia’ lii.

Zaqueca nanna’ saa bisiasineu ladxidua’ya’ ma bigani.

Yanna ti sumpirunisa rixubi sudi lu guiigu’

ne ti biguidi’ ruxhale’ ndaga xhiaa ne ridi’di’ laaga ni.

Guendarigani bizegu’ guibá’ gupa lálu’.

Nisaguie

Ruyadxiee’ guie’ biguá didilaaga’ guiba’ xpidaane’.

Cuxooñe’ nisaguie xa ñee’

ne ti bacuuzaguí cuza’qui’ biaani’ dxita biní xcuxtia’ya’.

Ndaani’ naya’ nazedxiiche’ ti ngolaxhiñe dié’ ne iza laní xtine’.

Ti balaaga rizá ndaani’ guie lua’

ne xa’na’ ti yaga biziaaxtiá guiidxe’ ti bidxiña ma guti.

Guendaguti ñee sisi

Birá xinaxhi bi ndaani’ lidxe’.

Ma guche bicuini ná’ gubidxa

riaana ti suquii dxá’ tipa bandui’,

ma qui royaa xpele la’dxi’ batanaya’.

Cá tini ruaa guendarusiaanda’.

Ndaani’ guielú ca xpinne’ zaxiá bandá’ gunaxhii necabe naa.

Zabie’ galaa deche ti bi’cu’ ti gutiidi’ naa ndaani’ nisadó’bani,

zudiee’ nabiuxe ca nguiiu ruquixe ra nari’ni´ guidxilayú,

Zucaa’ ti’xhe’ ti rii,

racá zaguaa’ bigú zapandú guidubi guichaíque’

zabie´ lu ti guie ne zabana’

guira’ ni qui ñanda ñanaxhiee’ rari’.

Ribigueta’

Ndaani’ xneza benda

ti gunaa ruzá’ guiñague’tu’.

Cagaañe guidiladi yaga chisa’ lu nisa,

cue’ni ruquiidi’ gui’chi’ bisité gubidxa.

Ma birá biluxe guenda riní’xcaanda’.

Ra lidxi bi

yuuba’ ma bisaba xhabaladi,

ti saa rutaabi ti yaga guichi

ndaani’ ladxidua’ya’.

Ca xquipi’ rizá xa’na’ yú

ne ribigueta ra lidxi: yooba’.

Ti bigose cayuunda’ lu mexa’,

...