Tónsnillingaþættir: Chopin

Theódór Árnason

• Publisher: SAGA Egmont
• Year: 2022
• eBook ISBN: 9788728037355
• Topic: Media & Performing Arts
• Subtopic: Music

Chopin þekkja flestir, ef ekki vegna nafnsins þá þekkist hann gjarnan á verkinu Nocturne sem hefur verið notað í alls kyns dægurmenningu. Frédéric Chopin fæddist í litlum bæ rétt utan við Varsjá í Póllandi árið 1810. Hann lærði á orgel frá 6 ára aldri. Ferill Chopin kom við í Berlín, Vín, Ítalíu og París. Serían fjallar um helstu tónsnillinga allt frá árunum 1525-1907. Hún er byggð á skrifum Theodórs Árnasonar sem var íslenskur tónlistarmaður. Fjallað er um líf tónskálda og verk þeirra. Bókin kom fyrst út árið 1966.

FRÉDÉRIC FRANCOIS CHOPIN

1810—1849

S TÓRMERKUR viðburður var það í tónlistarlífi Reykjavíkur, og alveg einstakur, er hingað kom haustið 1938 einhver snjallasti píanóleikarinn, sem nú er uppi, og tók sér fyrir hendur að túlka fyrir oss og gefa yfirlit yfir tónsmíðar eins merkasta og vinsælasta klassiska tónsnillingsins, Chopin.

Býsna margir eru nú orðnir það vel „stautandi“ á stafrof tónlistarinnar hér í Reykjavík, að þeir skilja og finna, að það er eftirsóknarvert að komast í kynni við Chopin. Og hver er raunar sá píanó-nemandi, sem reynir ekki getu sina á Chopin-tónsmíðum svo snemma, sem nokkur tök eru á. En þar er nú sá gallinn á, að margar þeirra eru ákaflega erfiðir og óaðgengilegar. Aðrar virðast vera sakleysislegar við fyrstu sýn, en reynast miklu erfiðari en við er búist, — eða hálfgerðar gildrur, sem ekki verður út úr komist. Og margur mun píanóleikarinn hafa grátið yfir getuleysi sínu, í bókstaflegri merkingu, í viðureign við Chopin. Og þó að þeir séu ákaflega margir, bæði hér og annars staðar, sem telja sig Chopin-unnendur, þá held ég þó, að mikið af því sé uppgerð og fordild. Það er aðeins á fárra meðfæri að spila Chopin sér til ánægju, og það er ósköp sjaldan, sem menn eiga kost á því, að heyra farið með hinar veigameiri tónsmíðar Chopin svo, að nokkurt lag sé á. Og þá þarf raunar alveg sérstakt lundarfar, næmleik fyrir finleik og göfgi, og hárfínan og öruggan skilning og smekk til þess að njóta ...

Table of contents

• Tónsnillingaþættir
• Copyright
• FRÉDÉRIC FRANCOIS CHOPIN
• Um Tónsnillingaþættir: Chopin