Tónsnillingaþættir: Mendelssohn

Theódór Árnason

• Publisher: SAGA Egmont
• Year: 2022
• eBook ISBN: 9788728037379
• Topic: Media & Performing Arts
• Subtopic: Music

Felix Mendelssohn Bartholdy fæddist í Hamborg 1809. Hann spilaði á píanó og orgel ásamt því að stjórna hljómsveitum. Hann samdi óperur og píanóverk sem tilheyra rómantíska tímabili tónlistar. Hann endurvakti vinsældir Bach með spilum sínum.Serían fjallar um helstu tónsnillinga allt frá árunum 1525-1907. Hún er byggð á skrifum Theodórs Árnasonar sem var íslenskur tónlistarmaður. Fjallað er um líf tónskálda og verk þeirra. Bókin kom fyrst út árið 1966.

Felix Mendelssohn-Bartholdy

1809—1847

F ULLU nafni hét hann Jakob Ludvig Felix Mendelssohn og var kominn af stórmerkum Gyðingaættum, fæddur í Hamborg 3. febrúar l809. Faðir hans, Abraham Mendelssohn, rak umsvifamikla bankastarfsemi í Hamborg og síðar í Berlín, — en móðir hans hét Lea Salómon, gáfuð kona og vel mentuð. Föðurafi hans, Móses Mendelssohn, var nafnkunnur fræðimaður og rithöfundur.

Felix þýðir: hinn hamingjusami, og má segja að hamingjan fylgdi Felix Mendelssohn og leiddi hann, frá vöggu og fram á fullorðinsár. Mjög var t. d. ólíkt um aðbúð þá, sem hann átti í bernsku og flestir aðrir hinna miklu tónsnillinga. Því að strax, þegar eftir því var tekið, að hann myndi vera gæddur góðum tónlistarhæfileikum, — og það mun hafa verið snemma, var talið sjálfsagt, að gera alt til þess að þroska þá hæfileika sem bezt. Móðir hans byrjaði að kenna honum ungum á píanó, en frá því er hann var 7 ára, voru til fengnir hinir hæfustu kennarar, sem völ var á, því að þá þótti sýnt, að gáfur hans og hæfileikar væri á óvenju háu stigi. Felix átti þrjú systkini og nutu þau öll samskonar uppeldis og fræðslu. Systir hans, sem Fanny hét, og var 4 árum eldri en hann, mun hafa verið á mjög svipuðu reki og hann um gáfur og hæfileika á flestum sviðum, _og þó einkum hvað tónlistina snertir. Þau Felix og Fanny voru mjög samrýmd, og með þeim miklu innilegri kærleikar en titt er um systkini, nema þá að um tvíbura sé að ræða. En annað fagurt dæmi er til i tónlistarsögunni um systkini, svipað þessu, þar sem voru þau Nannerl og Wolfgang Mozart.

Fanny Mendelsohn var af ýmsum talin píanósnillingur á borð við bróður sinn og henni var einnig ákaflega létt um að semja og stílfæra tónsmíðar. En í þá tíð þótti það ekki viðeigandi, að konur gæfu sig að tónlist sem starfi. Hún var því ekki „tekin alvarlega“ enda lét faðir þeirra svo um mælt, skýrt og skorinort, að sér væri ljúft að leyfa Felix að ganga listamannsbrautina, en Fanny yrði að láta sér nægja, að iðka tónlistina sér til gamans og dægradvalar.

Öll voru systkinin hneigð til tónlistar, og á þetta ríkmannlega og fágaða heimili komu að jafnaði hinir á...

Table of contents

• Tónsnillingaþættir
• Copyright
• Felix Mendelssohn-Bartholdy
• Um Tónsnillingaþættir: Mendelssohn