Tónsnillingaþættir: Gluck

Theódór Árnason

• Publisher: SAGA Egmont
• Year: 2022
• eBook ISBN: 9788728037485
• Topic: Media & Performing Arts
• Subtopic: Music

Christoph Willibald v. Gluck fæddist árið 1714 og ólst upp í Bóhemíu. Listaferill Gluck var bjartur og ánægjulegur en hann lauk tónlistanámi 18 ára og upp frá því ferðaðist hann um alla Evrópu til að læra, semja og spila tónlist. Hann kom við í Vínarborg eins og ótalmargir aðrir tónsnillingar. Undir lok ævinnar settist Gluck síðan að í Vín eftir mikil ferðalög um Evrópu.Serían fjallar um helstu tónsnillinga allt frá árunum 1525-1907. Hún er byggð á skrifum Theodórs Árnasonar sem var íslenskur tónlistarmaður. Fjallað er um líf tónskálda og verk þeirra. Bókin kom fyrst út árið 1966.

Christoph Willibald v. Gluck

1714—1787

Þ ó að miklar og harðvítugar deilur stæðu um list þessa virðulega meistara um all-langt skeið, er þó líklegt, að fáir eða engir tónlistamenn hafi átt jafn bjartan og ánægjulegan listarferil og Gluck, alt frá því er hann vakti á sér athygli sem tónsnillingur. Deilurnar, sem um list hans stóðu, þegar hann breytti um stefnu, hvarf frá ítalska stílnum og tók sér fyrir hendur að setja nýjan, alvarlegri og göfugri svip á óperuna, lét hann sjer raunar ekkert við koma, — lagði ekkert til málanna annað en það, sem verkin sjálf töluðu, og þau töluðu æ skýrara máli, svo að ekki gat hjá því farið, að almenningur skildi fyr eða síðar. Og Gluck vann frægan sigur. Hann hætti ekki fyrr en helgustu hugsjónir hans voru fyllilega viðurkendar. — Þessar deilur voru harðastar í París, og menn skiftust þar hreinlega í tvo heiftuga flokka. Stefna Glucks, hin nýja, fékk á skömmum tíma mikið fylgi, svo að Gluck sjálfum var vel borgið með verk sín. Þau komust jafnan á framfæri. En andstöðuflokkurinn, fylgjendur hinnar ítölsku stefnu, sem öllu hafði verið ráðandi í París, og raunar um alla Evrópu, um langt skeið, voru lika sterkir. Og þeir fengu frá Ítalíu tónskáldið Piccinni til þess að tefla fram gegn Gluck. Var Piccinni mjög þró...

Table of contents

• Tónsnillingaþættir
• Copyright
• Christoph Willibald v. Gluck
• Um Tónsnillingaþættir: Gluck
• Notes