sibe brünne

Urs Werner Hänni

• Verlag: Books on Demand
• Jahr: 2014
• ISBN drucken: 9783735759641
• eBook-ISBN: 9783735703682
• Auflage: 1
• Thema: Literatur
• Thema: Poesie

Beim lesen von Kurt Martis Gedichten 'ir bärner umgangssprach' packte den Autor die Lust, sich in der anspruchsvollen Kunst des Verseschreibers zu versuchen."sibe brünne" ist eine überarbeitete, mit berndeutschen Kurzgeschichten ergänzte Neuauflage des 2013 bei Books on Demand erschienenen Gedichtbändchens "är, äs u süsch no…"(ISBN: 978-3-7322-5539-9).Das Büchlein möchte als Hommage an Kurt Marti, sowie die Mundartlyrik überhaupt verstanden werden.ISBN: 978-3-7357-5964-1

c’est la vie

im kunstmuseum
undereinisch oug in oug
mit rembrandt van rijn

us em haiku-atelier

gäge argumänt

hommage à kurt marti

we ne zahnweh plaget
läbt er no
we ne zahnweh plaget

we er d rose schmöckt
läbt er no
we er d rose schmöckt

we er wysse schöppelet
läbt er no
we er wysse schöppelet

we ne d liebi guslet
läbt er no
we ne d liebi guslet

ersch
we dr schryner misst
isch er tot

we dr schryner misst
isch er tot

aphorismus

mii düecht

– also
mii düecht ’s
stärbe

eifach e soo

stärbe

dasch de scho
ds alleriletschte!

midlife-crisis

du wettisch
no eis jung sy

dass dr früehlig
wider chiem?

läb dys läbe
eifach rüejig wyter

carpe diem!

ds vreneli

vor guet hundert jahr
het me dr nachwuchs no füdleblutt
uf emene fääli abgliechtet

dr eime frudi
wo i dr altstadt unde
es chlyses atelier het
isch so öppis wi ne spezialischt
für seregi bebefotine
fei e chli stolz
stellt er im stoubige schoufänster
es paar abgschossni züge
vo syre kunst uus

dozewys het er scho
roseroti bärnerfudi
tromsig uf syr mattschybe gha
vo pfuusbackige meitschi
mit ihrem erste entwaffnende lächle
bis zu magere suurnible

ei morge lütet ihm e frou aa u fragt ne
öb är zyt hätti
vo ihrem vreneli e foto z mache
si chämti öppe i ere stund mit ihm

isch das e frag
natürlech het er zyt
schliesslech isch es sy pruef

ändlech wider eis e uftrag
dänkt er
u spreitet routinemässig sys schöne
länghaarige schaffääli
drufabe montiert er di grossi hölzegi camera
uf ds gstabelig drübeinige stativ
macht i dr dunkelchammere
di verschiedene beder parat
kontrolliert no schnäll ds liecht
u züntet sech es pfyffli aa

o wenn er se erwartet
är fahrt glych uuf wo ’s lütet
schlarpet gäge d tür
u erchlüpft grad z grächtem
wo er sys nöie fotomodäll
i fleisch u bluet vor sech gseht

das härzige vreneli isch drum
scho es paar jahr
zur schuel uus

dr sturzhelm

am lingge arm
der helm
freeset fredu
dä möff
dür ds dorf uus
wi e schelm
uf sym
frisierte töff
het linggs ab
bim ne huus
sött chli meh
achtig gä
wycht eme
meitschi uus
mues d kurve
änger näh
brämset mit
müeh u not
tätscht i d muur
gring voraa
blybt lige
– fasch wi tod…

sym surrbei
hets nüt ta!

familie

d karin bhet ’s
nümme z huus
si zieht nach
kapstadt uus
retos
familie
wohnt scho
z brasilie
jitz züglet
kevin o
de grad
uf tokyo!

u ds grosi
ligt elei
i mene
altershei…

minimali strategie

paul
wett ändlech dr hof

vreni
ändlech e goof

vreene
ds pülli nümm gno
prompt
e goof übercho

pole
hof überno

eigetarts

dada

luap
tew cheldnä dr foh

inerv
cheldnä e foog

eneerv
ds illüp münn ong
t’ pmorp
e foog ochrebü

elop
foh onrebü

fritz

är cha ja gar nüt derfür
dä guet fritz

o we er bärndütsch redt
wi jede angere
u sech i dr gieleschpraach uskennt
wi chuum eine
dr vater isch halt glych afrikaner
als chauffeur bi ere gsandschaft aagstellt
u das gseht me jitz eifach
syre hut aa

im chindergarte
wär ’s ja no ggange
di chlyne gschpänli hei ne höchstens gfragt
öb är inwändig ...

Inhaltsverzeichnis

• Vom gleichen Autor bei BoD erschienen
• Inhaltsverzeichnis
• I är u äs
• II wörter
• III c’est la vie
• IV haiku – senryû
• Impressum