Datenschuul

Datenschutz op Platt

Birgit Pauls

• Verlag: Books on Demand
• Jahr: 2017
• ISBN drucken: 9783744802406
• eBook-ISBN: 9783744843195
• Auflage: 1
• Thema: Computer Science
• Thema: Computer Science General

Eine Einführung in den Datenschutz in plattdeutscher SpracheDieses Buch gibt einen Überblick darüber, welche Anforderungen im Datenschutz Unternehmen und andere Organisationen wie beispielsweise Vereine erfüllen müssen. Dabei geht die Autorin auch auf die neuen Anforderungen aus der EU Datenschutz Grundverordnung ein.Im Anhang befindet sich ein Glossar, in dem die Übersetzung der gängigen hochdeutschen Datenschutzfachbegriffe aufgelistet sind.Zum besseren Verständnis sind teilweise die Gesetzestexte auf hochdeutsch abgedruckt.

Technische un organisatorische Vörsorg

Obschonst dit Kapitel mehrstendeels de vun dat Gesett vun Bedrieve födderte Vorsorg in Hensicht op Datenseekerheit beschrivt, schullen Privatlüüd dat ok lesen, wiedat se hier veele Hennwiese för de Seekerheit vun ehrn eegen Blickbregen tohuus kriegen.

Jedeen Bedriev mut technische un organisatorische Vörsorg ingang setten to de Seekerheit vunne personenbetoogen Daten to gewährleisten. De Vörsorg mut in dat richtige Verhältnis to de Högte vunne Schuul, de de Daten benödigen, stahn. Man towenig dörv ni ween un de Stand vunne Technik mutt berücksichtigt warrn. Alto ooldbaaksch dörv de Technik ni ween. Genauer steit in dat Gesett (§ 9 BDSG):

Öffentliche und nicht-öffentliche Stellen, die selbst oder im Auftrag personenbezogene Daten erheben, verarbeiten oder nutzen, haben die technischen und organisatorischen Maßnahmen zu treffen, die erforderlich sind, um die Ausführung der Vorschriften dieses Gesetzes, insbesondere die in der Anlage zu diesem Gesetz genannten Anforderungen, zu gewährleisten. Erforderlich sind Maßnahmen nur, wenn ihr Aufwand in einem angemessenen Verhältnis zu dem angestrebten Schutzzweck steht.

Hunnertprozentige Seekerheit is ni mööglich un ok ni betahlbor, fofftig Prozent is avers veel to wenig. Een goode Ortienteerung sünd de IT-Grundschutz-Kataloge vun dat BSI – Bundesamt für Sicherheit in der Informationstechnik.

To allereerst mut keeken warrn, welke Oorden vun Daten inne Bedriev verarbeidet warrn un wo hoch de benödigte Schuul vunne Daten is. Welke Produkte un Deenstleistungen warrn anbooden? De Daten vunn een Apothek (Daten över de Gesundheit) oder ok vunn een Erotiklaaden (sexuelle Vörleeven na § 3 Abs. 9 BDSG) bruuken inne Regel een högere Schuul as de Daten vun een Autohuus. Warrn Bankdaten verarbeidet?

Wat bedüdet dat för de bedropen Minsch oder de Bedriev, wenn Daten unberechigt insehn oder wiedergeven warrn (Vertruulichkeit)? Wat bedüdet dat för de bedropen Minsch oder de Bedriev, wenn de Daten afsichtlich oder versehentlich verfälscht warrn (Integrität)? Bi medizinische Daten to de Behandlung vun een Minsch oder verschreeven Medikamenten kann dat in slimmsten Fall ok Gefohr för Liev un Leeven ween. To welke Tieden bruuk ik de Daten, wo gau möten se no een Probleem mit de Technik wedder dor ween un wo lang mutt de Leevensduur vunne Daten (Opwohrungstieden ut dat Gesett) ween (Verföögborkeit). Dat nützt nix, wenn mi ‘n Dutt Geschäft dör de Lappen geiht, wieldat to’n Bispeel mien Online-Shop ni lööpt, jüst nodem ik ‘n Masse Geld för Reklame utgeeven heff.

Wieldat de desülben Daten wegen Vertruulichkeit, Integrität un Verföögborkeit ünner Ünstännen komplett anner Högte vunne Schuul nödig hebben, schullen de enkelten Kriterien pro Datenoort ok enkelt ankeeken warrn. Een groode Hölp sünd dorbi de Fraagen ut de BSI-Standard 100-2 IT-Grundschutz-Vorgehensweise:

1. Welke Folgen hett een Schaden betoogen op dat Inholen vun Gesetten, Vörschriften oder Verdräge?
   Möten Bußgelder betahlt warrn, komen Straafen ut de Verdrag?
2. Ist dat vun Nadeel fö dat informaschionelle Selbstbestimmungsrecht vunne bedropen Minsch?
   Het he dorvun Nadeele für sien gesellschaftliche Stellung oder sien wirtschaftliche Verhältnisse?
3. Is sien persönliche Unversehrheit in Gefohr? Besteiht Gefohr för Liev un Leeven?
4. Is dat vun Nadeel för de Erfüllung vunne Opgaaven innerhalv vunne Bedriev?
5. Is dat slecht för dat Ansehen vunne Bedriev binnen un buten?
6. Hett dat Utwirkungen op de Finanzen? Wo hoch kann de finanzielle Schaaden för de Bedriev warrn?

Wenn nu kloor is, wo hoch den Schuul ween mut, kann een överlengen, wat to dohn is.

Priesgünstiger as technische Vörsorg sünd farken Ännerungen inne Organisaschion. Man dat sett vörrut, dat sik ok jedeen anne Speelregeln hölt. Wenn en Schaaden dor is, is bi organisatorische Vörsorg swoor to wiesen, dat de Vörsorg langte.

Wichtig bi alle Gebode is, dat de Baas as Vörbild vöran geiht. Da hölpt nix, wenn jeedeen komplizeerte Passwoorten nehmen schall, dormit se seeker sünd, un he ‘n korte Passwoort nimmt, un de ok noch op’n Zeddel bisiets de Blickbregen hett, wiedat he sik mehr as dree Bookstaaven ni marken kann oder will.

Wat föddert dat Gesett nu genau? Man snackt farken vunne acht Gebote inne Datenschuul, nu mit passende Bispeele för Vörsorg beschreeven warrn. Fastleegt sünd se inne Anlaag to § 9 BDSG. De hochdüütsche Text ut dat Gesett is jümmers bi de Beschrievung dorbi.

Kontroll över dat Hentolopen

Maßnahmen, die je nach der Art der zu schützenden personenbezogenen Daten oder Datenkategorien geeignet sind, Unbefugten den Zutritt zu Datenverarbeitungsanlagen, mit denen personenbezogene Daten verarbeitet oder genutzt werden, zu verwehren (Zutrittskontrolle), Hier geiht da noch nich ümme Technik vunne Blickbregen, sünnnern seekertostellen, dat sik in’t Gebüüd un inne Rüüme blots de Lüüd opholn, de dor wat to söken hebben.

Wodennig is kloormakt, dat Besöker nich överall rümlopen? Wart kontrolleert, to welke Tied Fremmen in dat Gebüüd weern un ween se besöcht hebben.

Woans is de Schuul vun Gebüüd un Rüüme na Fieravend kloormakt? Is dor ‘n Alarmanlaag oder een Wachmann, de dor rümlöpt?

Döörn un Finster schullen jümmers sloten warrn, ween keen een inne Ruum is, Besöker nich mit vertruuliche Ünnerlaagen allein in een Ruum laaten warrn.

Wo stahn Drucker- un Fax-Reedschopen? Nich jeedeen schull dat Popeer ruutnehmen können.

Wokeen heet Slötel to de Rüüme? Weet ji, woveele Slöteln dat överhaupt gifft un wo de sünd? De Utgaav un dat Torüchgeeven von Slöteln mutt dokumenteert warrn. Wat is to dohn, ween een sien Slötel verleeert? Dat schull för al Midarbeider togänglich opscheeven warrn.

Wenn Slöter mit een Tahlenkombinaschion nüttet warrn, muss de tominst jedet Mal, wenn een Midarbeiter ut de Bedriev utscheeded, ännert warrn. Ok mutt de ännert warrn, wenn de Gefohr besteiht, dat een Drütte de Tahlenkombinaschion kennt.

Denn mutt ok kloormakt warrn, wer in welke Rüüme dörv. Slötel to de Serverruum schulln blots de Administatorn hebben. Ok in de Rümme vun dat Personalweesen dörv nich jedeen rin.

Warschau ok op Reisen: De Ünnerlagen un de Blickbregen möten jümmers ünner Opsicht stahn. In’t Hotel schulln se wo geiht in in Schrank insloten warrn. Dat Auto mutt jümmers afsloten warrn, ok wenn blots na dat Tanken betohlt wart.

Kontroll över de Togang

zu verhindern, dass Datenverarbeitungssysteme von Unbefugten genutzt werden können (Zugangskontrolle)

Nich jeedeen, de in Gebüüd un Rüüme rin dörvt, schall ok de Blickbregen nütten.

Wat is eegens een Anlaag för Datenverarbeidung? Fröher, inne sömbitger Johren, as dat de eerste Version vun dat BDSG geevt, weern dat groote Kisten, de heele Rümme utfüllten un een Waterköhlung harrn. Mobil weern de ni. Hüüttodaags wart de Technik jümmers lütter, ok een Ackersnacker oder een Tablet is een Datenverarbeidungsanlaag.

De Togang mutt tominst mit een PIN oder een Kombinaschion vun Nam un Paswoort mötet warrn. Kist anschalten un ik bün al binnen geiht gor ni. Bi sensible Daten kann man ok een Verfohren installeern, dat mehrere Stufen hett, so as Passwoort un Kort oder sogor biometrische Markmole.

Kontroll över dat Togriepen

zu gewährleisten, dass die zur Benutzung eines Datenverarbeitungssystems Berechtigten ausschließlich auf die ihrer Zugriffsberech...

Inhaltsverzeichnis

• Een poor Wöör vörweg
• Inhaltsverzeichnis
• Wat is Datenschuul?
• Wo wart dat klaarmakt?
• Datenschuul Vokabeln
• Wodennig warrn de Daten wohrt?
• Welke Rechte heff ik?
• Wer passt op?
• ... un bi grootet Malöör?
• De Datenschuulbeopdraagte
• Wat mutt de Bedriev dohn?
• Datengeheemnis
• Datenschuulünntericht
• Technische un organisatorische Vörsorg
• Datenverarbeidung inne Opdraag
• Beschrievungen vunne Verarbeidungen
• Afkörtungen
• Wöörbook
• Wiederführende Texte
• Besten Dank!
• Impressum