Opern auf Bayrisch - 2. Akt

Paul Schallweg

• Verlag: Rosenheimer Verlagshaus
• Jahr: 2015
• eBook-ISBN:
  9783475544439
• Thema: Medien & darstellende Kunst
• Thema: Opernmusik

Paul Schallweg belebt die Klassik auf ganz besondere Weise. Auch im zweiten Akt macht der Meister der bayerischen Dichtkunst Oper zu einem höchst amüsantem Erlebnis. Ob Mozart, Puccini, Strauss oder Wagner - nie zuvor wurde deren epochaler Stoff so leicht und originell verarbeitet. Lustig bis zur letzten Zeile wird die Opernwelt mit "Die Zauberflöte", "Der Troubadour", "La Bohème" und vielen mehr in den bayerischen Wohnzimmern lebendig.

Margarete

oder

Der Doktor Faust

Frei nach der Oper von Charles Gounod

Vorspruch

Wer Gscheitheit mi’n Schöpflöffe frisst

und d’ Welt nur nach Irdischm misst,

der konn leicht an Himme verliern,

denn gschaugt werd ins Herz, net ins Hirn.

Wer d’ Welt mathematisch begreift,

se nur auf Computer versteift,

dem konn’s leicht sei Augnmaß verziahng,

denn gschaugt werd ins Herz, net ins Hirn.

Wer glaabt, dass er alles versteht

und nur nach der Wissenschaft geht

und moant, dass er d’ Weisheit hat pacht,

der konn leicht – Gott woaß – über Nacht

an seelischn Kniaschnaggler kriagn,

denn gschaugt werd ins Herz, net ins Hirn.

Erster Akt

Der Doktor Faust, müaßts wissn grad,

hat glebt nah bei der Münchner Stadt,

fünf Kilometer weg vom Rand,

bei Obermenzing umanand.

Er hat sei Lebn lang ois probiert,

was, wia er gmoant hat, dazua führt,

dass ma den letztn Sinn erkennt.

Er hat se täglich schier darennt

vor lauter Lesn und Studiern,

hat alles neibaazt in sei Hirn,

was er für wichtig ghoitn hat.

In jeder Wissnschaft auf Draht,

hat er den Tag scho kemma sehng

– in aller Herrgottsfrüah müaßts gschehng –,

an dem eahm ’s große Liacht aufgeht,

er plötzlich siecht und g’nau versteht,

was d’ Welt fürn Sinn hat und wia’s kimmt,

dass ois im Großn z’sammastimmt,

und er dann woaß und klar durchschaugt,

für was de ganz Erfindung taugt;

ob’s wirkle gibt a ewigs Lebn,

a ewigs Glück und außerdem

a Finsternis in Ewigkeit …

»Des bring i raus, boid is’ so weit!«

Und an an Abnd, da hat er denkt,

dass’ bloß no an an Fadal hängt.

»A oanzge Nacht no gib i dro.

Morgn Fruah fangt de Erleuchtung o!

Dann woaß i ois, was wichtig is,

und de Erlösung is mir gwieß!«

Er liest zwölf Stundn...

Inhaltsverzeichnis

• Cover
• Titel
• Impressum
• Worum geht es im Buch?
• Inhalt
• La Traviata
• Der Barbier von Sevilla
• Elektra
• Die Zauberflöte
• Margarete
• Der Troubadour
• Der Graf von Starnberg
• La Bohème
• Tristan und Isolde
• Im Rosenheimer Verlagshaus bereits erschienen
• www.rosenheimer.com