Champàr tuto l’anno
Desprima de tacàr de iscrivàre del
magnàre de stasiòne et dèle lòri activitate, se dise dèso quel che
sé in disposizio de li Volanèsi tuto l’anno, datosi che gò avùo na
sconversasiòn con di Vèci zentìli.
Un porsèo da ingràso che se sgòza
in tel Verno, da farghe salameti, salsizie, codeghini che i sé
salamoni da magnàre insquando che ghè sé massa frijo, sanguinazi,
cicioli et infin lo lardo che sé hutile per dare sipienza a le
brode de erbe varie. Il porceo vive tuto l’anno cum fameja e a
svolte si affesiona a lui cossì taneto l’Homo, che ghe pare che il
sia a Lù màssa più caro che no puteo de Lù medesmo. Ghè sé na
lezienda che dise de n’Homo che al venir de Verno el saria scapà
dalla fameja col sò porcèo grasso par no sgosarlo, stanto che ghè
voleva bèn o dritura che il lo amaveat desproprio como se ama na
Dòna! La jera na Foemina, zioè na troja, ma i gà sèmparo avùo no
legamo Platonico et dolzie. Sè dise che i se sia refùziai sovra na
isolèta e che lì avent conducto vita leziadra. E i sé stà nel
tempore anco azeptaj e reconosuj come coppia marital de facto. Un
piscadòre i li gà trovaj par caso e l’Homo lo gà pregào de ziendere
e riposar e tante feste i gà fàto alo ospite. La porcea menava la
còa e lo snasava da per tùto con chortesia. Cossì il sito el sé
dovantà meta de ristoro et compagnia. Quanto che gò sentìo stà
storiela leziadra lo gò squasi invidiào l’Homo, che sento dopo dòe
ani de Bazìa, par nò finìr ne la Pazzia, che vojo na Dòna e vojo
vivàre.
Ghe sé il Portante Mùsso o Somaro
como i lo ciàma a Volàno e in facti ispezie la Femina, l’Asina
Benedeta la te dà el late par i putei tùto lo Hanno. Squanto che i
Putèi i scamìna et i gà capìo da indòve viene lo late, nò sé raro
vedàrli beati che i tèta dirèto da la Mùssa che la sé contienta et
li leca muso a muso como suoi fiolèti. El Mùsso a Volàno nò sé maza
mai, chè lo è n’amìgo che te iuta siempre finché el mòre.
Lo sé brusa como fòse n’umano su
una pirona sùlo spjasòn de sera al tramonto e in sò Onore, che al
sarìa stà contànto anca Lù d’esàr hutile anco dopo morto, sé magna
la zampa destra còta sùle bràse tòlte da la pira et al caldo delo
fogàso tùti i salùda l’amico del late, dèa legna, dèe pignie, dè
qual che siasi fadìga et anco fetuòso con anema como un Umano.
Eretico! N’azidiènte che tè spàca retrivo Super Io suponente et
omozientrico! Alcùni putei i ziga et nò sòl lòri. I zoccoli i se
salva e soli scotà dal fògò li si dà a tòchi ai putèi de uno ano
chè mète su i denti e i gà bissogno de mastegàre. Lo Mùsso el vive
sdrento ai putèi fino al hultimo!
Ghe sé despoi i polastrèli di molto
portanti parchè i te dà i ovi ogni die e sensa sforso Humano.
Despoi le galìne i ne fa i pulsìni, ca i sè il joco prafarìo dai
putèi, che si insfeziona lòri e se li porta in tel lèto abbrazaj in
fin che i ne mette le spenne dure e i tàca a becàr la faza e nò sè
il caso de perdàre un ocio.
No ghe sé Fructa chè l’aere salsa
sèca li arbori. Ghe sé nela Pignàta. e more de rovo sdolzie
Vardura ghe sé, ma non tùto l’hanno
e la sé solo salvàdega.
De piantigioni Humane ghe sé sòl la
vigna de uva bianca et quèla de uva nera.
A desparte il Magnàre se debeat dir
de la Capàna e del Tugùrio dè pali.
Queli che sòn forti e de bona voja
i sé fa na bèa Capàna con tùti i còmadi, overo il camèno par
discaldarse et cusinàre, na tabula de assi, dele scarane e il leto
sgrando indòve che i dorme tùti tacài, i putèi despesso coi piè de
uno in fassa allo altro, cà i sé fa i gratizòli. Il leto gave una
structura semplize como un lungo e slargo cassòn baso con sdrento
no sgrando saco o cussìn pleno de foje de cana seche e de spènne de
fasano, dele coverte de pele de alièvore et anco mejo de ciervo, de
raro, et linzoi de lino che i fa le dòne e che il fa dolzie il
dormire. El Cussìn sé in dota ala Dòna e despiù spènne de fasjano
el gà, più aveat valòr.
Il Tugùrio de pali el sé
sopradeltuto apanàgio de li Homeni che i sé vol sentìr libàri de
spostarse da isoleta a isoleta e dei zòveni Mascòli sbrazàj dala
fameja a Darsète ani chè i sé fàsa e sòe esperiense de fadìga et
fame, anca se i pòl tornàr de nascosto a farse dar da magnàre dàa
Màma. El Tugurio el sé facto con cinque o sie pali longhi et
irrobusti intreziai in alto e ligaj ala casso de càn (Slicenzia
Animale) A insdove se pogièno a tèra, i pali i sé slarga a zerchio
et se pogia adòso dò tornàte de fassi de cane longhe. Sdrento no
ghe sé il lieto ma desolo lo saco de molte foje de cana seche et
poche spènne de fasjàno, dò coverte, una de pelle de alièvore et
una covèrta de lino. I Homeni i sé in majoranza scapoli inveteràj
che i refuje la maritazione e che a zinquantani i sé crede anchòra
Juveni, nòmadi et raminghi salvàdeghi che ipperhò i gà un zierto
fasìno sùe Dòne. Insquando che i sé sposa i sé fa na Capàna coi sòi
sconforti, se na Dòna i li vòle anchòra.
Ghe sé despoi il Bibere, che un
pocheto se prende dalla piovia e lo resto da lo Po.
Scomunque Il Volanèse squanto
labòra dùro est autonomio, chè sé bituào a bevàre lo suo sudòr da
le asèlle con na foja de menta.
Averto lo lectore che di base i sé
Cristianj, abàsta che non te meni colà de note che sé purasà fàzile
che i te scana col cortelo e i te buta sdentro lo Flumen Po o lo
Màre, sensa niun pensier morale, i te bùta via inscome un refiuto.
Lòri i ne sdifende el sò teritorrio e cossì sensa il pensier de
colpa, i pole tornàr a dormìr tranquili coi sò putei e la sò
Dòna.