1. Kalikat Ikirrluki
Paul John-ankuk Andy Paukan-aaq-llu qalartellrak kegginaqut taicimallratnek Asaacaryamun Sheldon Jackson Museum-aamek 1989-aami.
Paul John, Nunakauyaq, April 1994
Cali-llu tuatnamacimcetun, piciryararkiumacimcetun, manâa maa-i kiingan nutemllarmun tangrruteksaguskevvut yuraq umyuaqelriani, ellarpallraam yui tamaqâapiarmeng yuraucirluteng ellmeng pimeggnek. Tamaani-llu ellarpallâer manâa kassugluku eglertellriartaitellruyaaquq, tengssuutetaitellrani, phone-artaitellrani, satellite-artaitellrani-llu. Qaillun nunarraminek tuaken cayarani aperturyarturciigatellruyaaqaa yuum yaaqsilrianun. Tuaten pisciigatellrungâermi Agayutem tua-i piciryararkirluta cakuciungramta yuurcetellruyaaqelliniakut tuaten cayarangqelliniluta. Maa-i matâum nalliini tangrrutngurtuq kiimi nutemllarmun matâumun yuraq manâa.
Andy Paukan, Negeqliq, April 1994
Tamana pitekluku makut teggnerraat tua-i ikayuqluki qanertekluki makut maani ciuliamta a
kut piliallrit atullrit ataam makunun ayagyuanun tangercelluki. Ellaita iingitgun tangercelluki teggnernun makunun nalqigucelluki qayuwâ atutullrit, qayuwa-11â piliaqetullrit. Tua-i nalqigcesqumaluki taumek ayagnillruukuk Tim Troll-aq-llu.
Tua-llu ayagniqatallratni yuarluta naken tamakunek yugtarnek pilianek utâruciyuumallemtenek. Tua Sheldon Jackson-aamek uumek niilluta tamaani yugtaat amllerrniluki. Tua-i 1989 Mountain Village-ami festival potlatch-aqataata tuani tamakut yugtaat nasvagyugluki kinguliamtenun makunun. Waniwa-11â una wani [Paul John] tuani uitallruuq tamakut nasvallratni. Nallunriciiqaa kingunermini camani tamakut taikata qaillâ auluklerkait.
Ukugnek ta
aam teggenregnek Wassilie Evanâtayima allragni yuunri
lullruuq taunâ angunâuna-llu Willie Beans Mountain Village-armiu, teggenruagnek, Kuigpagmi-llu piliallrit tamakut kegginaqut atutullrit, cat piliallrit nallunrilagneki tua-i maliklukek Sitka-mun atraullukek. Tuanâ atraqatallemteni camek nalluyaaqukut qayuwa eglertellerkamte
nÌek. Ta
aam Peter Corey-m ciuniurluta, Tim Troll-aq malikluku, ciunerluta museum-aamun atraulluta. Tua-i itramta imumun Sheldon Jackson Museum-aamun narrlullagyaaqua, ta
aam-qaa makut maani maa-i tangrrarkaput. Cunawa elliviatni camani, storage room, nutaan amlleq yugtaq, Yupiit a
kut ciuliamta piliarit uitalriit nalluluki nurcillagyaaqlua.
Nutaan tua-i malrugni erenregni tuani taumi storage room-ami yuvrillruukut tamakunek yugtarnek Kuigpagmiutarnek ce
nÌamiutarnek-llu yuarluta. Taukuk tuani Wassillie Evan-am Willie Beans-am-llu tangerrluki tamakut elitaqnaurakek, una-gguq uum piklinia aterpaggluku-llu ciuliaq tauna. Uum-gguq una piliaqellinia elitaqaa-gguq. Tuaten malrugni ernerrluta, piyulkegnek ta
aam elkenka tua-i utârutarkaurrluta Mt. Village-amun. Qayutun, hundred cipluku canek pilinguanek kegginaqunek ciuliamta-llâ a
kunek atutullritnek utârutellruukut tuani.
Malruk ta
aam utârucullerput Peter Corey-m pillruakut utârucesciigatnilukek. Tamaaken nuniitnek anesciigatnilukek. Uum wani Irurpiim, niitnaulalria Kuigpagmi, angalkullrem tamaani, cauyaanek utârucugyaaqluta, tua-i kingunranun tamaavet kinguvrinun-llu tangercecugyaaqluku taunâ cauyaq, pisqellrunritaa. Navriuteklermegteggu ecia qagertellrulliniatgu. Cimingnaqsaaqluku-llu tua elluamek cimirpekânaku. Tua-i tauna pitekluku ayaucetellrunritaa. Uum-llu cali Wassilie Evan-am, Anguyagpiim, elitaqluku taum tangtullruniluku Irurpiim cauyaa. Cauyaq tauna angellrunrituq. Angssiyaagpekânani. Epukegciqapiarluni ta
ken yugmek, nasqurluni, tallirluni, irurluni-llu qukamikun ta
aam qupumaluni. Kegguteruarluni-llu avatek tamarmek. Tauna elitaqellrua Irurpagmun cauyaqniluku.
A
na cali egan, Tuutalgarmi egaciarat qikumek piliaruluni. Ecuilngurmek qikumek piluteng egacitullrulliniluteng tamaani. Angâuq egalvallâer. Tauna cali utârucugyaaqluku, tua-i utârutesqevkenaku navegciqniluku eglerrnginanrani. Tamakut-gguq qikut, qikumek tangerqerluni tua-i pililaagyunaituq. Ta
aam-gguq cat qikut ilait tua-i akâanun piutulit, tamakut-gguq ta
aam nakmikluki tamaa-i egacitullruut tuaten. Tuani Ecuilnguum iluani tamakucirtangqelliniluni. Taumek picirluta utârucullruyaaqerput tauna utârutesqellrunritaa.
Kuigpagmiullrem angalkum Irurpagmek pilallrata cauyaallran ayuqii. Cauyam teguyaraa yuguaruluni qilui alaunateng, aqsiigken-llu ukimallran avatek ungungssim keggutainek kapusvikumalutek. Cauyam-llu qamani iluan avatiini ciissiruartarluni paralucetun ayuqellrianek tamaa-i-gguq taum angalkum tuunrai. Willie Beans-aaq-llu piuq elliin tangvallruniluku tauna angalkuq tuunrillrani una cauyaq aturluku. Beans-aaq-llu piluni, âCaqerluta eglerrnginanemtenÌi angyakun Kuigglualegmi niitellruaqa cauyallrani. Niitellruarput cauyallrani aturluni tuaten. Kuigpiim akiani akma uitallruuq ellii wangkuta-llu ukalirnerani, taugken qastuluni niitnaqluni. Taqâaqami atunermek nepliraqluni.â Jackson-aam una cauyaq pilqaa Qaluyaanek. Heye-aq-llu cali ayuqiinek pillruluni Kusquqvagmek 1900-aam ayagnengaarallran nalliini. Tamarmek Jacobsen-aankuk Nelson-aaq-llu waten aqsamegnegun qanrualegnek keggutelirlutek pilianek pillruuk, Nelson-aaq-llu qanlliniluni uum canguam yua waten keggutelilrianek qanengqerrarkauniluku. Sheldon Jackson Museum, Sitka
Drum like that belonging to the Yukon angalkuq Irurpak (Long Legs). The handle is a human figure with the body cut open to expose the internal organs, and the opening is lined with animal teeth. Inside the rim are wormlike figures said to represent the angalkuqâs helpers. Willie Beans remembered Irurpakâs using a similar drum in a healing session. He also recalled, âAt one time when we were traveling with a boat, at Kuigglualek I heard him drumming. We could hear his drum and him singing. He was on one side of the Yukon River, and we were on the other, but we heard him very clearly. When he finished a song he would make a sound.â Sheldon Jackson Museum, Sitka, IIS171 (49.5 cm diameter)
Tua-i akwaugarpak, ernerpak, unuaqu-llu tuaten umyuarteqluta uum wani kingunrani (Paul John) 1996 Yupâik Festival-aaqata tamakut utârutarkat kegginaqut kinguliamte
nÌun tangrresqelluki, makunun-llu teggnernun cali kangiit qanrutkesqelluki kinguliamte
nÌun, taunâ umyuaqluku tauna tuani ataam tuani Tuksugmi piyugyaaqluta. Tua-i una ciuliqagtekluku piyullrinek pikumta assinruciquq. Ayuqluku Kuigpagmek Kusquqvagmek-llu caliarit tamakut quyurrluki nasvagyugyaaqluki. Tamaa-i paivngarilliniut. Naken pillerkait nallunrircetai uum [Ann Fienup-Riordan]. Tamakunek akwaugarpak select-aararluta atrautarkanek piniartukut. Taumek ta
aam qanrutamci.
Paul John
Makut maani wangkuungramta mikelnguaraput taringesqumaaput ciuliat catullritnek. Tua-i-wa maa-i watua wangkuungramta irniaput, tutgaraput, kinguqlirkait-llu ciuliameng callritnek, tua-i-wâ nallullrat manâa elpekesqumayaaqngamegteggu, wangkuta waten pitarilriani makut maa-i akâa ciuliamta atullrit tangrresqumaaput. Cali-llu manâa yuraryaraq arulairesqumavkenaku cali nutem avaken ciuliamtenÌek pikngamteggu, imutun tua angelriaruluku cakneq yuraryaraq manâa avaken ciuliamtenÌek atulriaruan.
Cali manâ yuraq pitekluku yuut waten quyurtaalallrat nunanun, tuani tua-i yurarvigkaatni waten ullagaluki naken quyurtaalallrat ikayuurpalliniuq. Ilakuyucim imutun nallunriutekelriatun ayuqluku. Tua-i ilakuyutnguqapiaralliniluni yugnun avaken ayagluta ciuliamtenÌek. Cali-llu ilakuyutnguami tungayiit, ilakutat nalluyaaqerraarlukâ waten yuraq piteklukâ quyurtaqata nallunriraqluki. Tua-i ilakuyutngulliniami manâ yuraq avaken ayagluni, pimiutauluni, kenkutauluni.
Quliriqaqernaurtua ilakutellrata yuut tua-i-wâ ayagneqelriatun ayuqiitnek. Tamaani yuut ayagassuutaicaaqellruut makunek cukaluteng ayagalrianek. Una-llâ cali waten ciuliamtenÌek ayagluni qaneryaraq: Ella-gguq allamek yuituq. Tamakut ella allamek yuitnilallermeggni, manâa maa-...